هل الريفيت المعماري قوى فى الشوب دروينج ؟
من اكثر الاسئله اللى بتسال عنها فى اى كورس او على السوشيال ميديا.
و في الحقيقة الموضوع مهم لان ببساطة المهندس المعماري وظيفته الرئيسية هي إخراج الرسومات الهندسية .
و كمان المعمارى اتعود على الاوتوكاد و تمكن منه فى اخراج رسومات الشوب دروينج لفترة طويلة .
و بالتالى التحول من الاوتوكاد للريفيت المعماري بيكون مصدر قلق كبير و شىء مجهول .
الموضوع فيه اكتر من اشكالية اللى حابب اتكلم فيها .
لكن الاجابة الصحيحة للسؤال هو نعم الريفيت المعمارى قوى جدا فى الشوب دروينج .
ماهو الفرق الجوهرى بين المشروع فى الاوتوكاد و المشروع فى الريفيت المعمارى ؟
فى الاوتوكاد علشان يبقى عندى مشروع ببدأ رسم المساقط منفصلة مثلا بلانات واجهات قطاعات و بعد الانتهاء منها بيكون عندى مشروع .
فى الريفيت المعمارى انا ببنى المشروع بعناصرة مثلا الحوائط و الارضيات و السلالم وغيرها ثلاثية الابعاد و بينتج عندى موديل للمبنى يتم استنتاج المساقط من الموديل و وضع التفاصيل عليها.
هتلاحظ ان مسار الشغل عكسى تماما .. بدل ما بترسم مساقط تكون لك مشروع . انت بترسم مشروع و تستنتج منه مساقط .
علشان كده لو هدفك انك ترسم زى الاوتوكاد و لكن بطريقة أسرع باستخدام الريفيت .. تاكد انك هتفشل .
محمود نصر
هل اى موديل ينفع يطلع منه شوب دروينج ؟
الأول خليني اوضح معلومة هى اساسية عند معظم المعماريين لكن ااكد عليها.
فى نوعين من الرسومات فى اى مشروع. رسومات تنفيذية CD
و شوب دروينج SD.
لان المسميات ممكن تختلف من مكان ل مكان .
يعنى ممكن شوب دروينج فى مكان هو بلان بسيط و عليه بعض الأبعاد و فى مكان تانى لوحات تفصيلية للتركيب و لكل مسمار فى المشروع .
فى الاساس هدف الرسومات أن المبنى يتنفذ زى التصميم تماما .
لكن ممكن استشاري يقدم لوحات تنفيذ ضعيفة وغير كافيه بالتفاصيل .
بالتالى المقاول بيقوم بعمل الرسومات من من جديد بتفاصيل أكبر و يعتمدها من الاستشارى .
و ممكن استشارى يقدم لوحات مفصلة لكل جزء فى المشروع و المقاول ينفذ منها مباشرة .
خلينا نقول ان الصح ان الاستشارى يقدم لوحات مفصلة و بينها تنسيق كامل للمقاول و هى رسومات التنفيذ CD.
و المقاول في حالة وجود عناصر خاصة فى المشروع تحتاج لطريقة تركيب معينة يقوم بعمل شوب دروينج ليها SD.
فى الريفيت المعماري اتفقنا ان انت بتبنى موديل . الموديل بيكون له مستوى تطور يسمى LOD Level of developement.
علشان اقدر اطلع رسومات شوب دروينج لازم الموديل يتطور ليناسب الرسومات المطلوبة.
يعنى مثلا الحوائط . الموديل لازم يكون فيه الطبقات زى مثلا الطوب و المحارة و الدهان .
مش مجرد حائط له سمك فقط . و هكذا على كل العناصر .
مرحلة عمل الموديل هى اطول فترة فى الريفيت و تحتاج لمجهود كبير علشان تطلع رسومات شوب دروينج صحيحة.
متستعجلش فيها و اعمل موديل مظبوط .
هل مطلوب اعمل موديل لكل عنصر فى المبنى ؟
الريفيت فيه ادوات زى ادوات الاوتوكاد تقدر تعمل بيها تفاصيل 2d بسهوله .
ممكن تعمل بعض العناصر 2d فقط بتفاصيلها لو مش هتظهر فى اكتر من مسقط او مش هتعملها حصر مثلا.
الادوات دى ممكن تعالج بها بعض مشاكل الإظهار للموديل فى الريفيت .
ما هى العوامل التى تساعد على إخراج لوحات شوب دروينج محترفة على الريفيت المعمارى ؟
1- فهم الادارة لطبيعة عمل الريفيت و انها مختلفة عن الاوتوكاد لدعم فريق العمل.
2- التركيز الشديد على الموديل و على العلاقات بين العناصر تكون صحيحة مثل التنفيذ.
3- فهم طريقة الإظهار الصحيحة للرسومات مثل تخانات الخطوط للعناصر المركبة (الحوائط و الأرضيات).
4- معرفة الادوات التي تساعد على معالجة أخطاء الموديل من حيث الشكل فى الإسقاط مثل الـ Line work.
5- استخدام الـ View Templates لتسريع عملية الإظهار السريع للمساقط.
فى النهاية التحول من الاوتوكاد الى الريفيت المعمارى يحتاج الى تغير فى الفكر لان العملية عكسية تماما فى اخراج الشوب دروينج .