المرحلة الأولى – تجهيز المشروع

في البداية، هتتعلم إزاي تبدأ مشروع جديد على الريفيت من الصفر.
هتتعرف على خطوات تنظيم الملف، إدخال ملفات الأوتوكاد، ضبط المناسيب، وحفظ المشروع بطريقة منظمة. كمان هتبدأ في بناء الموديل الإنشائي والمعماري بدقة، وده يشمل الأعمدة، البلاطات، الكمرات، الحوائط، الأبواب، الشبابيك، والفتحات… لحد ما يكون عندك موديل كامل جاهز لاستقبال التشطيبات.

المرحلة الثانية – التشطيبات

هنا هتبدأ تشتغل على التشطيب الداخلي بالتفصيل، وده اللي بيفرق مشروعك ويخليه احترافي.
هتتعلم إزاي تضيف طبقات المحارة، تشكل الديكورات، تصمم الأرضيات، وتعمل الأسقف الساقطة الرئيسية والجانبية. مش بس كده، هتضيف الوزرات، الكرانيش، وأعمال الجبس والخشب، وتطبق الدهانات على الحوائط والأسقف، علشان تخلق بيئة داخلية متكاملة تعبر عن هوية التصميم.

المرحلة الثالثة – إضافة عناصر المشهد

بعد ما تخلص التشطيبات، هتبدأ تضيف العناصر اللي بتكمل المشهد الداخلي.
هتتعلم إزاي تضيف الفرش، الستائر، السجاد، الفازات، الأعمال الفنية، وحدات الإضاءة، السوكتات، ومخارج التكييف. كل عنصر هيتم إضافته بمكانه المناسب، علشان تقدر تعرض مشهد داخلي واقعي يخدمك في الإظهار والتسليم.

المرحلة الرابعة – رسومات الشوب دروينج والحصر

دلوقتي جه وقت تجهيز رسومات الشوب دروينج.
هتتعلم إزاي تجهز البلانات، الواجهات الداخلية، التفاصيل، وتضيف الأبعاد والتوصيفات المختلفة. كمان هتتعلم الحصر باحتراف، بداية من دهانات الحوائط والأرضيات، لحد أعمال الجبس والخشب. والأهم إنك تتعلم تراجع الحصر وتتأكد من صحته باستخدام طرق عملية ومهنية.

المرحلة الخامسة – اللوحات النهائية والطباعة

وأخيرًا، هتتعلّم إزاي تطلع لوحاتك بشكل نهائي جاهز للتسليم.
هتجهز لوحات البلانات، الواجهات، التفاصيل، الـ Cover Sheet، وSheet List. كمان هتتعلم إزاي تطبع اللوحات، وتحولها لملفات PDF أو أوتوكاد، وتصدّر الجداول للإكسيل، أو حتى تستخرج صور للموديل أو تنقله لثري دي ماكس.