البيم للتصميم الداخلي

كورس الريفيت للتصميم الداخلي والتشطيبات

من التصميم إلى الشوب دروينج والحصر

مهندس تصميم داخلي وتشطيبات وعايز تدخل مجال البيم؟

زمان لما كان الرسم مانيوال وبدأ يظهر الأوتوكاد كان في مهندسين متحمسين جدا وعندهم شغف يشتغلوا بيه.
ومهندسين تانيين متمسكين جدا بالمانيوال ومش عايزين يتحركوا خطوة لقدام.
ومع الوقت أصبح الأوتوكاد أساسي ولا غنى عنه . دلوقتى الموضوع بيتكرر تاني مع تكنولوجيا البيم.
هنا بتكلم مع النوع المتحمس وعنده شغف حقيقي انه يدخل مجال البيم بقوة ويكون سابق غيره ومتطور.
خصوصا ان مجال التصميم الداخلي والتشطيبات مش مشهور الكلام عن تقنية البيم فيه ومفيش اهتمام بيه.
كل التركيز مع المعماري فقط وده كان الدافع ليا إني أركز في الموضوع ده.
تقنية البيم ممكن نعرفها ببساطة إنك بتبني المشروع على البرنامج الأول وتحل كل مشاكلة قبل ما تبدأ في التنفيذ وده اللي بيدي قيمة عالية جدا ليها بسبب القرارات الصح اللي بتتاخد بدري وتفادي مشاكل التنفيذ.
وتقدر في أي مرحلة تستخرج الرسومات التنفيذية والشوب دروينج المتناسقة جدا لانها خارجة من نفس الموديل اللي بنسميه BIM Model.
علشان تقدر تتقن تكنولوجيا البيم في التصميم الداخلي والتشطيبات محتاج تفكر في المهام اللي بتكون محتاج تعملها
وايه البرنامج اللي هتستخدمه وحقيقة أهم برنامج بيطبق تكنولوجيا البيم حاليا هو برنامج الريفيت.

4 مهام رئيسية لمهندس التصميم الداخلي والتشطيبات:

  • المهمة الأولى هي عمل موديل للتصميم بكل تفاصيله تقدر تعدل عليه بسهولة في أي وقت. وتدرس شكل التصميم وتعرضه للعميل بحيث يتوافق عليه.
  • المهمة الثانية هي التنسيق بين العلاقات لكل العناصر للتشطيبات وطريقة تركيبها وحل العلاقات دي علشان تكون جاهزة للتنفيذ بدون مشاكل.
  • المهمة الثالثة هي إخراج الرسومات اللازمة لكل فراغ علشان يبدأ في التنفيذ.
  • المهمة الرابعة هي إخراج كل الكميات للتنفيذ وحساب التكلفة.

خليني أقولك البرنامج الأكثر أهمية ويخليك قادر على كل المهام دي هو برنامج الريفيت.

الريفيت هيفيدني في إيه؟

في الحقيقة الريفيت مفيد جدا في الـ Construction وممكن نقول 6 مزايا خاصة للبرنامج

  • الميزة الأولى هي وجود تصور مبكر جدا للتصميم وكمان دقيق لان الموديل هو فعلا التصميم اللي بيتعمل مش مرفوع من رسومات 2D وبالتالي مدروس من البداية.
  • الميزة الثانية هي التغيير الأوتوماتيكي لعناصر التصميم في كل المساقط ودي قاعدة إسمها
    Change once change every where
    لأن المشروع عبارة عن موديل واحد بتعدل في أي عنصر فيه والرسومات عبارة عن استنتاج من الموديل ده فابتشيل عنك هم مراجعة التعديلات و تكون حاجة أوتوماتيكية.
  • الميزة الثالثة تقدر تخرج منه رسومات دقيقة في أي مرحلة من مراحل المشروع طالما بتعمل الموديل بشكل صحيح ممكن مثلا تعمل قطاع في أي مكان ويكون جاهز وواضح.
  • الميزة الرابعة التعاون مع كل التخصصات لك أن تتخيل أنك في الأساس بتشتغل على موديل معماري وانشائي معمول بردو ريفيت وانت بتكمل عليه تصميمك فبتحل أي مشاكل أو تعارضات بدري بدري.
  • الميزة الخامسة هي الجداول اللي بتخرج الموديل ومربوطه بيه يعنى أي كميات بتخرجها وتحسب تكلفتها لو عدلت التصميم بتتعدل معاك على طول وبطريقة Live. حقيقي الجداول من المميزات المبهرة جدا والمريحة جدا في الشغل.
  • في مزايا تانية كتير للريفيت هتحسها لما تشتغل عليه.كفاية انه برنامج هندسي ذكي فاهم العناصر اللي معموله فيه ان ده باب وده شباك وده فرش وهكذا.
    والميزة الكبرى بنسميها Single source of truth يعنى عندك مصدر واحد للحقيقة في المشروع.

الفرق بين الريفيت المعماري والريفيت للتصميم الداخلي والتشطيبات؟

قبل ما أجاوب على السؤال ده الأول ممكن أوضح الفرق بين التصميم المعماري والتصميم الداخلي.
المصمم المعماري بيكون له تركيز على المبنى ككل سواء شكله الخارجي أو كل الفراغات الداخلية من حركة سير ووظيفة ومتطلبات للمالك.
وممكن نقول انه بيقف في الفراغات الداخلية لحد الطوب أو المحارة.
وهنا يبدأ دور المصمم الداخلي أنه يركز على الفراغ نفسه من تشطيبات وديكور وخامات وإضاءة وفرش.
بالتالي ممكن نقول انه هو نفس الفرق بين الريفيت المعماري والريفيت للتصميم الداخلي والتشطيبات.
في الحقيقة أوتوديسك مالكة برنامج الريفيت تعتبر انه كله ريفيت معماري على أساس أن التصميم الداخلي هو جزء من العمارة.
فبالتالي الأدوات المستخدمة هتكون واحدة زي حوائط وأرضيات وفرش وغيرها.
الفرق الجوهري والوحيد هو الـ Workflow إزاي بتستخدم الأدوات دي في شغلك حسب تخصصك.
وهو ده المختلف ما بين المهندس المعماري اللي بيشتغل ريفيت ومهندس التصميم الداخلي والتشطيبات.

مين ممكن يستفيد من الريفيت في التصميم الداخلي والتشطيبات؟

  • مهندس ديكور أو تصميم داخلي خريج فنون جميلة أو لسه طالب.
  • مهندس معماري بيشتغل كل المشروع سواء معماري أو تصميم داخلي أو طالب عايز يكون مستعد ومتطور.
  • مهندس مدني شغال في التشطيبات. 
  • أي شخص مهتم بالتشطيبات والتصميم الداخلي.

هتتعلم إيه في الكورس؟

خطوات عمل مشروع بيم تصميم داخلي وتشطيبات من خلال 5 مراحل

المرحلة الأولى

نقاط

تجهيز المشروع

أول مرحلة ازاي تجهز مشروعك وفى المرحلة دي هنتكلم على 3 نقاط أساسية:

1- أول نقطة ازاي تبدأ المشروع بطريقة صحيحة وتختار Template مظبوطة وتعمل المناسيب وتجهز ملفات الكاد وتسحبها علشان تبدأ Modeling.
2- تاني نقطة هتعمل موديل إنشائي من أعمدة وكمرات وبلاطات وغيرها.
3- تالت نقطة هتعمل الموديل المعماري الأساسي من حوائط وأبواب وشبابيك وفتحات وتضيف لها السلالم الإنشائي والتشطيب المعماري.
بنهاية المرحلة دي هتكون جاهز لبداية شغل الانتريور

المرحلة الثانية

7

 نقاط

التشطيبات

تاني مرحلة هتعمل موديل لكل عناصر التشطيب للبنود التالية:

1- المحارة
2- أعمال الديكور مثل البانوهات
3- الأرضيات بالـ Pattern الخاص بيك
4- الأسقف الساقطة
5- أعمال الجبس مثل الكرانيش
6- أعمال الخشب
7- الدهانات

المرحلة الثالثة

6

نقاط

إضافة عناصر المشهد

تالت مرحلة هي مرحلة إضافة عناصر المشهد هنضيف فيه العناصر التالية:

1- الفرش
2- السجاد
3- الستاير
4- الفازات والأعمال الفنية
5- عناصر الكهرباء مثل الإضاءة من نجف واباليك والسوكيتات (مخارج كهربائية)
6- مخارج التكييف

المرحلة الرابعة

6

نقاط

رسومات الشوب دروينج والحصر

رابع مرحلة وهي رسومات الشوب دروينج والحصر وتسعير البنود وهتتعلم فيها ما يلي:

1- طريقة تجهيز الرسومات بشكل سريع ومحترف View Templates
2- طريقة عمل الرسومات مثل البلانات والواجهات الداخلية والتفاصيل والمناظير وغيرها
3- تعديل الـ Line weights في الرسومات لإخراجها بصورة مبهرة تناسب طريقة شغلك في المشروع أو في شركتك
4- توصيف الرسومات بإضافة الأبعاد والمناسيب والـ Tags والكتابات والـ Symbols مثل الـ Starting point
5- إضافة التفاصيل للرسومات مثل خطوط التفاصيل مع تغيير الـ Style الخاص بها وترسم الهاتش وتستخدم تفاصيل جاهزة أو تعملها من الاوتوكاد
6- إخراج جداول الحصر لكل عناصر المشروع

المرحلة الخامسة

6

نقاط

اللوحات النهائية والطباعة

خامس مرحلة هي اللوحات النهائية والطباعة وهتتعلم فيها ما يلي:

1- عمل لوحة جديدة وإضافة الرسومات فيها
2- إخراج الـ Sheet list بشكل أوتوماتيكي
3- عمل الـ Cover sheet
4- تعديل الـ Sheet Family لكي تناسب مشروعك
5- الطباعة واستخراج ملفات الـ PDF وملفات الأوتوكاد
6- استخراج الموديل لبرنامج الماكس لعمل ريندر على الفير

شكل التصميم اللي هيتم التطبيق عليه في الكورس

فيديو محتوى الكورس التفصيلي 

وصور مثال اللي هتقدر تطلعه بعد الكورس

المحاضر

محمود نصر 

مهندس معماري ومحاضر معتمد من أوتوديسك من 2012. يمتلك خبرة 10 سنوات من العمل بمجال البيم المعماري، ومتخصص في تحويل الأفراد والشركات من العمل بتكنولوجيا الكاد إلى تكنولوجيا البيم، قدم أكثر من 300 دورة تدريبية، كما درب أكثر من 1000 طالب أونلاين من كل الوطن العربي من خلال العديد من منصات التعليم أونلاين.
ساعد العديد من الشركات الكبيرة في مصر على التحول من الكاد للبيم مثل: دار الهندسة، سوديك، خطيب وعلمي، أوراسكوم، المقاولون العرب، المعماريون العرب، أوكو بلان، شركة فينسي الفرنسية للمقاولات، شركة نيو جيزة، شركة DMA، شركة James Cubitt and Partners بالإضافة لمكتب Innovation Design studio.
محاضر ومحكم في مسابقة Revit Architecture Hero الموسم الأول والثاني وشارك فيها أكثر من 160 طالب من أكثر من 25 جامعة على مستوى مصر.

آراء العملاء السابقين في المحاضر


profile-pic

He is a great trainer and also a great person Very good at the software and how to deliver the informations

Hesham Mostafa


profile-pic

محاضر ممتاز في توصيل و شرح المعلومة شرح بسيط و سهل و لكن فعال بشكل رائع في التطبيق العملي افضل اختيار لكل من يريد الانتقال للعمل ببرنامج الريفيت خاصة و ال BIM بشكل عامجزاك الله خيرا باشمهندس محمود على مجهودك الرائع و اسلوبك الراقي

Hesham Abdel Khalek


profile-pic

الكورس الشرح فيه اكثر من رائع والأسلوب راقى والمعلومات واضحه وسهله وديما الواحد عنده مرجع يرجعله فى اى معلومه ممكن يتلغبط فيها أو ينساها شكرا جدا على المستوى الرائع المتميز

Rania ALaaeldin


profile-pic

Professional and highly talented instructor for beginners it' was really a experience in modeling and Teaching ... thank you

Ahmed H. AbulDahab

أسئلة متكررة

هل الدورة مناسبة لحد مش بيعرف ريفيت؟

الدورة بتبدأ من الصفر لحد الإحتراف. مش مطلوب أي معرفة سابقة بالريفيت.

هل في فرق بين الريفيت المعماري والريفيت للتصميم الداخلي؟

الفرق في طريقة الشغل والعناصر. لكن الأدوات هى نفسها. الإختلاف في الـ Workflow والـ Scope.

زي الفرق الهندسي بينهم في التصميم. المعماري بيهتم بالخارجي وتقسيم الفراغات الداخلية لحد الطوب الأحمر والتصميم الداخلي بيركز على الفراغ وتشطيبه.

كام فيديو في الكورس ومدة الكورس كامل؟

74 فيديو ومجموعهم 5 ساعات

كام فراغ هنشتغل عليه في الدورة؟

حاليا ده أول Phase من الدورة مشروح على فراغ ريسبشن ومتطبق عليه كل الخطوات من التصميم للشوب دروينج والحصر.

لكن هيتم زيادة الفراغات قريبا بإضافة الحمام والمطبخ وغرفة النوم. 

والدورة سيتم تطويرها دائما بأفكار وإحتياجات المشاركين. وكل الإضافات هتكون مجانا إن شاء الله 

هل هيكون في رندر في الدورة؟

لا مفيش شرح للرندر لانه في الريفيت ضعيف. أفضل حل هو سحب الموديل على الماكس وعمل رندر على الفيراي وبوست برودكشن على الفوتوشوب.
وده له دورة مخصوص على موقعنا ممكن تشوف تفاصيلها من هنا 
https://otrujjah.com/bim-architectural-visualization-using-vray-photoshop/

هل هيتشرح أوامر Model in-place؟

نعم هيتم شرحها بالتفصيل وإحترافية شديدة لأنها عصب شغل التصميم الداخلي في الريفيت.

نظام الدراسة؟

فيديوهات مسجلة على المنصة تقدر تشوفها أي وقت ومن أي مكان. بتطبق على كل فيديو لحد ماتخلص المشروع.

هل الدروس على شكل فيديوهات بالباسورد؟

لا الفيديوهات على المنصة زي اليوتيوب تقدر تشوفها من أي جهاز.

متى تبدأ الدورة؟

الدورة مسجلة بالفعل بمجرد إشتراكك تقدر تتابع الدراسة فورا.

في وقت معين المفروض بسلم فيه الـ final project علشان اخد الشهادة؟

لا المشروع غير محدد بوقت. ذاكر في الوقت اللي يناسبك وبسرعتك المفضلة.

لو في اسألة في حد ممكن يكون متاح للاسألة؟

نعم بالتأكيد في دعم فني كامل من المحاضر. إما عن طريق جروب الواتساب أو من خلال الموقع بترك تعليق تحت الفيديو.

انا مهندسة ديكور خريجة فنون تطبيقية فممكن الجزء بتاع الاعمدة والكمرات هيا اللي تقف معايا

الجزء الانشائي معروض بشكل سلس جدا لانه من وجهه نظر مهندس الديكور. ولا يحتاج لأي معرفة هندسية إنشائية.

اسم الشهاده المعتمدة ايه بيم بس ولا الريفيت ولا الاتنين؟

اسم الدورة في الشهادة المعتمدة من أوتوديسك هو BIM Interior Project using Revit

ممكن أسأل لو معنديش خلفية عن الماكس و الفيراي أو الكورونا عادي ؟ و لا لازم أكون عارفاهم ؟

مفيش أي إحتياج لمعرفة أي برنامج قبل الدورة.

ايه المواصفات اللي لازم تتوفر في الجهاز اللي يساعدني أشتغل على الكورس؟

أقل الإمكانيات: بروسيور I3 - كارت شاشة 1 جيجا - رامات 4 جيجا . لكن بالتأكيد الزيادة أفضل.

بالنسبة للشهادة أقدر بعد ما أخلص الكورس أي وقت و أخلص المشروع أقدمه و أطلعها ؟

نعم في أي وقت

هل اونلاين ام ورش حضور؟

أونلاين مسجلة على الموقع

هل استطيع تحميل الفيديوهات والاحتفاظ بها؟

لا .. الفيديوهات من خلال الموقع فقط.

ماهو اصدار الريفت اللي حنشتغل عليه؟

الدورة مسجلة على إصدار 2023 لكن يمكن التطبيق من أول إصدار 2015 بلا مشاكل.

انا مهندسة انشائي و حاليا بشتغل برايفت في التشطيبات محتاجة اعمل تصميم داخلي لكن انا مش بعرف ماكس؟

غير مطلوب أي معرفة بأي برنامج.

المكتبة الي هانحتاجها في التشطيبات و الفرش موجودة؟

نعم ملفات المكتبة المستخدمة في المشروع متاحة للتحميل وأيضا لينك لمكتبة ضخمة 100 جيجا

بالنسبة لشغل MEP هل هيكون في خلفية عن الموضوع و لا صعب ؟

في شرح لإضافة العناصر زي عناصر الكهرباء مثل الإضاءة من نجف واباليك والسوكيتات (مخارج كهربائية) ومخارج التكييف وبالمثل يمكن إضافة الصحي وأي عنصر ممكن. لكن لا يوجد شرح للأنظمة كاملة لانها ليست من اختصاص مهندس التصميم الداخلي. يوجد دورة كاملة للريفيت MEP

انا مشترك معاكم ف دبلومة الريفيت المعماري - هل المحتوى مكرر؟

المحتوى مختلف من حيث الـ workflow تماما. لكن هي نفس الأدوات بإستخدام اخر.

الإشتراك بيتم إزاي؟

1- هتضغط على زرار إشترك الان 

2- هتتحول لصفحة الدفع هتكتب بياناتك

3- هتختار طريقة الدفع وتدفع 

4- الدورة هتتفعل أوتوماتيك على حسابك

5- هتدخل على حسابي هتلاقي الدورة تحت دوراتي

6- هتدوس إبدأ الدورة وتستمع بيها 

لو عندي سؤال مش موجود هنا؟

في تحت على اليمين شات ممكن تكلمنا عليه لو أحنا أونلاين أو تسيب Ticket ورقم الواتساب وهنبعتلك عليه.

تفاصيل الإشتراك

داخل مصر

3600 ج

  •  5 ساعات فيديوهات مسجلة
  •  تحميل ملفات التطبيق 
  •  مكتبة ريفيت ضخمة 100 جيجا
  •  دعم فني مدى الحياة
  •  جروب واتساب خاص مع المحاضر
  • الدورة متاحة مدى الحياة
  • شهادة معتمدة من أوتوديسك
  • مشاهدة من أي مكان
  • متاح من لابتوب - تاب - موبايل

خارج مصر

120$

  •  5 ساعات فيديوهات مسجلة
  •  تحميل ملفات التطبيق 
  •  مكتبة ريفيت ضخمة 100 جيجا
  •  دعم فني مدى الحياة
  •  جروب واتساب خاص مع المحاضر
  • الدورة متاحة مدى الحياة
  • شهادة معتمدة من أوتوديسك
  • مشاهدة من أي مكان
  • متاح من لابتوب - تاب - موبايل

طريقة الإشتراك

طريقة الدراسة

مفيش أي حاجة تخليك تقلق من الاشتراك في الدورة عشان انت تقدر تسترد 100% من قيمة الدورة خلال 30 يوم

هنا بقى نيجي للضمان لو مقدرتش تطبق وتعمل المشروع اللي في الدورة هتسترد كامل المبلغ اللي دفعته !!!
أيوه ده حقيقي هتسترد كامل المبلغ اللي دفعته لو طبقت على كل الشغل اللي في الدورة وفي الآخر مقدرتش تعمل مشاريع كاملة لوحدك.

>
Success message!
Warning message!
Error message!