المرحلة الأولى: إعداد المشروع بالطريقة الصحيحة
في بداية الدورة، هتتعلم إزاي تبدأ مشروع MEP على Revit بطريقة منظمة.
هنمشي معاك خطوة بخطوة من لحظة إنشاء المشروع، وضبط وحداته، وربط الموديل المعماري باستخدام أدوات Link و Copy/Monitor، لحد ما تجهز كل الـ Views المطلوبة لتخصصات المشروع.
الهدف من المرحلة دي هو إنك تشتغل على بيئة مشروع جاهزة ومرتبة، تقدر تنطلق منها لأي تخصص بسهولة.

المرحلة الثانية: التحكم في الرؤية والإظهار
في المرحلة دي، هنتعلم مع بعض إزاي تتحكم في إظهار عناصر المشروع بشكل احترافي، سواء كانت 3D أو 2D، وكمان إزاي تستخدم الـ Filters و View Range لتوضيح التفاصيل أو إخفاء اللي مش محتاجه في كل View.
التحكم ده مهم جداً عشان تشتغل براحة، وتعرض الشغل لزمايلك أو مديرك بشكل واضح ومنظم.

المرحلة الثالثة: تصميم أنظمة التكييف HVAC
هتبدأ في الشغل الحقيقي، وهنشتغل سوا على تصميم موديل التكييف داخل المشروع.
هتتعلم إعدادات الداكتات، وتحديد الـ Spaces و Zones، وحساب الأحمال الحرارية، ثم توزيع مخارج التكييف والمعدات وربطهم في نظام كامل، وإنشاء شبكة الداكتات بشكل يدوي أو أوتوماتيكي، مع التحكم الكامل في خصائص كل عنصر.

المرحلة الرابعة: تصميم أنظمة السباكة ومكافحة الحريق
بعد ما تتقن التكييف، هتدخل على تصميم أنظمة الـ Plumbing والـ Fire Fighting.
هتتعلم أنواع الأنظمة المختلفة (صرف - تغذية - حريق)، وازاي تضبط إعدادات المواسير، وتنشئ الشبكات، وتضيف المحابس والرشاشات ومكونات الصحي بشكل احترافي، بالإضافة لحساب الأقطار تلقائيًا داخل الريفيت.

المرحلة الخامسة: تصميم النظام الكهربائي
في المرحلة دي، هتدخل على تخصص الكهرباء، وهتتعلم إعداد الخصائص العامة والـ Wiring والـ Cable Trays والـ Conduits، وكمان هتتعلم إزاي توزع وحدات الإضاءة والبرايز، وتربطهم بدوائر كهربائية، وتنشئ الـ Panels، والأسلاك، وجدول اللوحات، مع بناء شبكة Cable Trays و Conduits داخل المشروع.

المرحلة السادسة: إنهاء المشروع باحترافية
آخر مرحلة هتكون هي تجميع كل شغلك في صورة احترافية.
هتتعلم إزاي تعمل Clash Test وتكتشف التعارضات، وتضيف Tags و Dimensions، وتستخرج جداول حصر الكميات، وأخيرًا تنشئ Sheets جاهزة للتسليم، تشمل كل التخصصات اللي اشتغلت عليها، بجودة مهنية مناسبة لأي مكتب فني.