عايز تحترف الـ Mass في الريفيت المعماري ؟

علشان نفهم الـ Conceptual Mass في الريفيت المعماري ممكن نقسمها لمراحل:

المرحلة الأولى هي عمل الكتلة Form:
فى البداية أقدر أعمل من خط أو قوس وجوه Faces.
بعد كده أقدر أتحكم في النقط المكونة للـ Face أو الخطوط Edges وممكن أعمل من خطين شكل.
لو رسمت شكل مقفول ينتج عنه Extrusion وأقدر أتحكم في النقط والخطوط والأوجه faces.
لو رسمت قطاع وخط يعمل Revolve ولو رسمت خط أو قوس وأوله قطاع وآخره قطاع يعمل Swept Blend.
وأخيرا لو رسمت خطوط أو قطاعات ورا بعضها يعمل Loft.
الصور مترتبة بترتيب الشرح. شوفها علشان توضح الصورة أكتر.

المرحلة الثانية هي تحويل الكتلة لمبنى:
في المرحلة دي بتحول الكتلة Mass إلى مبنى عن طريق إضافة 4 عناصر:
1- الحوائط Wall by Face
2- الأرضيات Floor by face
3- السقف Roof by face
4- الأنظمة الستائرية Curtain systems
في البداية بتعمل Load فاميلي في المشروع،
بعد كده بتعمل الـ Mass Floors علشان تضيف عليها الأرضيات بعد كده.
وتضيف الحوائط والأسقف والـ Curtain systems.

المرحلة الثالثة هي الـ Divide :
دي بقى مرحلة السحر
فيها بتقسم سطح من الكتلة Face لأنماط كتيرة Patterns.
وتقدر ترسم فيها أي حاجة انت عايزها وتوزعها على السطح ده.
وحسب خيالك هتقدر تستفيد منها في عمل أشكال إبداعية. وكمان سهل تعدل فيها بسهولة.
في البداية بتعمل السطح Face بالشكل اللي يناسبك.
بعد كده بتعمله Divide وتختار أساس النمط اللي يعجبك Basic Pattern.
بعد كده تدخل فاميلي الـ pattern ده وتعمل مودل للشكل المطلوب وترجعه تاني في الماس.
من أحلى الأمثلة على المرحلة دي الـ Space Truss .
في الصور نموذج لـ Space truss سهل جداً تعمله وتعدل عليه في الريفيت.

المرحلة الرابعة والأخيرة هي الـ Adaptive Component
وصلنا لمرحلة الخيال  
الـ Adaptive component بتتكون من نقاط تسمى الـ Adaptive points .
بقدر من خلالها أرسم الشكل المناسب للتصميم وأكرره بشكل ذكي جدا على الـ Form.
فى المثال اللى فى الصور ببدا برسم نقط عادية و احولها لـ Adaptive points .
بعد كده برسم البروفايل المناسب و اعمل Create Form.
الميزة هى ان الشكل بيكون مرن جدا وممكن يتوزع على أي كتلة بعد كده.
بعد كده بحضر الكتلة الأورجانيك وأعملها Divide وأبين الـ Nodes.
اخر حاجه بنزل الـ Adaptive Component على الـ Form وأعملها Repeat.

عن المحاضر