1- أساسيات الـ BIM:

هنا هتتعلم مدخل لتقنية الـ BIM وهيتجاوب على التساؤلات اللى عندك مثل.

ماهو الـ BIM ؟

الفرق بين BIM و CAD ؟

أهمية الـ BIM ؟

برامج الـ BIM ؟

ماهو الـ BIM Engineer ؟

ازاي ابقي مهندس BIM ؟

المسار التعليمي لتعلم البيم.

تقدر تتعلم كل المرحلة دي مجانا من هنا :

2- برامج الـ BIM:

فى المرحلة دي هتتعلم أهم برامج الـ BIM و هنا هتختلف حسب نقطتين.
تخصصك ايه ؟ معماري - انشائي - الكتروميكانيكال
و ايه المهام المطلوبة منك ؟
نمذجة - رسومات تنفيذية وشوب دروينج - حصر كميات - تنسيق بين التخصصات .
وأشهر مثال هو برنامج الريفيت والنافيس وركس من شركة أوتوديسك.

3- إدراة الـ BIM:

تقنية البيم هي عبارة عن مجموعة من العمليات الكثيرة Processes اللي بتتم في كل مراحل المشروع.
بداية من الكونسبت مروراً بالتصميم إلى التنفيذ وانتهاء بعملية إدارة المرافق Facility Management.
العمليات دي بتجمع جميع الأطراف المشاركة في المشروع من المالك والاستشاري والمقاول.
وبيتم تنفيذها من خلال الموارد البشرية "المهندسين" بمختلف تخصصاتهم سواء معماري أو إنشائي أو اليكتروميكانيكال وغيرهم.

عشان يتعاون كل الأطراف المشاركين في منظومة البيم بسهولة، لازم تتم عملية الإدارة والتي تعرف بالـ BIM Management

إدارة البيم مرت بالعديد من المراحل لحد ما وصلت لمرحلة نضج من خلال معايير ISO 19650
معايير الأيزو 19650 هي معايير International بتوضح خطوات إدارة البيم بشكل تفصيلي وقوي وفعال.

أغلب المهندسين بيركز على استخدام ال Tools بطريقة احترافية زي برنامج الريفيت أو برنامج النافيس وركس.
ولكن ده غير كافي للدخول في منظومة شغالة بالبيم أو لإدارة المنظومة ككل.

بكده هتكون محترف ومتقن تقنية الـ BIM .

فانت محتاج لما تسأل على كورس ال BIM يكون متوفر فيه كل ما سبق.